Neut (z)onger ut aafdaak 2021

Zonjig 19 september, eindelik koste veer weer same komme veur de Neut onger ut aafdaak, mer bie Niels en Francis is gein aafdaak. Ze hubbe dat slum opgelos door ein tent te boewe, dae auch nog ens door Rowan veurzeen waor van echt fjaesverlichting.

Naodat veer oos verzameld hauwe, wore de spiere opgewermd door ein nootelikeur zwoadat veer same nao ut Bakkes in de Maasbèndj koste wenjele veur ein tas koffie en lekker stök vlaai.

Ut maog gezag waere, complimente veur de 'Neutjes in de dop', die hele de pas good d'r in, en hubbe de route mesjien waal 3 kjaer gelaupe. Frank deende es bessemwage mer hae kaom mit einge laege wage bie de fjeastent truuk aan.

De barbecue woor aangestaoke en veer hubbe genaote van al ut lekkers wat dao stong en klaor gemaakt woor.

Carolien waor ongetösje hjael get jaore, maonje, waeke, daag Noot van ut Jaor en wou eigenlik van alle kraom aaf, die ut Nootschap mit zich mit gebrach hou. Best te begriepe, zit ste in Corona lock down en dan zuus ste toch de ganse daag dat bord en die beeldjes en ongertösje kens ste neet d'r op oet om te tröte. Same mit ut bestuur haet ze de medaaje euvergedraage aan Frank.

Hartstikke blie haet hae alles in ontvangst genomme en hae wilt d'r ein speciaal en onvergeatelik noot-jaor van make.

Michiel greep op dat moment zien kans de 'Woorom-daorom-troffee' euver te draage. Dae steit noe bie Francis op de sjouw. Woorom? Ze hou de jaeste repetitie tot in de puntjes veurbereid. Daorom dus.

Ut woar fijn om nao zwao lang weer same d'r op oet te gaon, weer ens bie ein te zeen.

Francis en Niels: bedankt veur de gastvrijheid;
Bestuur: bedankt veur al ut lekkers;
Neut: noe beseffe veer pas wie veul veer oos gemis hubbe.

Mjae zeen? Kiek dan hie!